閃閃豬

某週末的下午同3猛獸係屋企!!

向西北的屋企當然陽光普照啦!!!

突然見到一隻閃閃豬!!!

陽光反照D毛閃令令!!!

范生比D相佢D外籍同事睇佢地勁讚CHU CHU QUTE!!!!

行行行

5月初時同3隻衰豬由屋企行去白芒, 其實應該係3公里路左右!

BUT佢地行得超辛苦!!

平時行去碼頭都冇問題, 今日行遠少少, 佢地就唔掂!!

回程時, 阿CHU直情唔行!!

我抱佢行左2-3公里!!

試想下抽兩袋米行2-3公里, 係唔係想死!!!

 

新屋的新屋

搬左新屋後, 忍唔住買左間新屋比佢地!

因為新屋向西北, gil & chu都好怕凍, 為免冬天佢地會變雪條,

所以係新屋到買左間新屋比佢地!

間狗狗新屋係係新屋入伙後沒多久就收到!

不過一直都未砌, 早排”的”起心肝砌好佢!!

於是捉左阿gil去試新屋!!

開頭gil gil好驚!!

之後再將chu chu & 細細放埋入去!

估唔到屋仔細細, 居然入到佢地3隻!!

開門放佢地出黎時, chu & 細即刻走出黎!

不過又估佢唔到, 阿gil繼續留係入面唔出黎!!

阿gil果然好鐘意間屋!!對間屋好滿意!


CHU CHU質問我點解關住佢!!!

阿細一出黎又即刻玩波, 真係波不離口!!

其實砌好左間屋都未用住, 都係放係雜物房等冬天先用!!

阿gil好依依不捨地走出黎!

再去碼頭

話說9月時天氣真係好好!

於是我地一行3人, 阿細細妹, 范生及我又帶佢地三隻向碼頭進發!!

我地去到碼頭附近的公園坐下休息下!!

其實出一身汗真係好爽!!

有時諗諗下作為城市人生活真係太繁忙!

根本沒有時間停下來休息一下!!

而狗狗其實好易滿足, 都只係想我地陪佢地多d!!

有時我都覺得好慚愧!!!

 

Chu gil small @tung chung

搬到新居的其中之一好處係, 星期六日有時都同三寶去行街行耐d!

就算fan生唔得閒, 有時亦可叫細妹陪我!

佢地三寶有得去耐d就緊係開心死啦!

我通常同佢地先圍住屋苑行, 之後行去碼頭再行返黎!

咁樣慢行都要2hrs! 對於平日少運動的佢地&我已經好夠皮!!

返到屋企後佢地就變成啦!

三隻野@new house

搬屋個日因為搬屋車坐唔落咁多人, 於是我同三隻野坐的士去新屋先!

去到唔係即刻上間屋到, 而係同左佢地去行附近的狗公園!

個日冇其他狗狗係到, 可以放左朱朱&細細比佢地自由活動!

佢地當然勁開心啦!

之後返上去佢地就要繼續戴狗帶唔可以周圍走!

因為開始搬d野入屋啦!!

第一晚其實佢地係有少少不安, 不過都好快就瞓左!

第二日, 因為有定傢俱去黎, 而且師係砌家具砌左成日, so唯有困佢地出露台!

Gil gil 係露台出面苦苦叫左成日(唔係吠, 係細聲叫), 冇辦法都要忍心d對佢地!

我地個日收到taobao訂的圍欄, 打算將半個應連露台圍起, 比佢地用!

佢地見到圍欄當然唔like, 不過因為圍的范圍比較大, 同埋個日太辛苦, 佢地個晚好乖地瞓左啦!

第三日, 我地要返工啦!佢地繼續放係圍欄內!

早上突然收到范生打來, 佢話佢收到管理處電話, 話有人投訴d狗吠聲!

之後我再打去管理處了解, 真係覺得唔好意思! 我話我地新搬黎可能d狗未適應!

個日放工即回家, 係走廊到觀察左一陣, 又聽唔到佢地吠聲!

之後打開門, 發覺細細竟然係圍欄出面, 真係好神奇, 唔知佢用咩方法出黎!

於是我將佢再放入圍欄, 望住佢, 佢又冇咩反應!我行左入房, 我就見佢又出左圍欄!

於是我又將佢放入圍欄, 望佢多一陣, 佢終於忍唔住, 原來佢一下引體上升已經爬左出圍欄!!

依個花費hkd$900的圍欄又可以報廢啦!!

唯有等梳化到左時用黎圍住個梳化啦!

之後一兩日又收到第二次投訴, 話狗吠聲嘈到bb!

個一刻有少少火火地, 我話我以前住個到都有bb住, 從來都冇收過投訴 , 而且我地新搬來狗狗都要少少時間適應!

另外我話如果係有人行過門口, or見對面露台有人佢地叫幾聲都係好正常!

當然如果佢地係狂吠幾十分鐘當然係我地既問題!不過同管理處講都係冇用, 因為佢地only想交差!

有一晚同范生係街食完飯返屋企, 有一pair中年男女同我地同lift, 原來係住我地隔離屋, 個女既仲係到講d狗吠聲真係討厭!

之後我地行去我地門口開門, d狗狗當然係到勁叫啦!(因為有人返佢地通常好興奮)

個時都好尷尬, 我地諗唔知係唔係佢地投訴呢!!
范生其實好介意同d鄰居關係唔好!我就唔理啦!最重要係河水不犯井水!

到到搬左入去的第六日, 我地上左我阿媽屋企食飯(住我樓上), 又收到第三次投訴, 於是范生即刻落去, 佢落去睇時, 係走廊完全聽唔到佢地吠, 佢係走廊行左幾次佢地亦冇吠!! So我地真係唔明佢地投訴d咩, 唔通之前佢地狂吠黎?? Or佢地吠一兩聲d鄰居都忍受唔到?

咁既情況我地真係做唔到d咩!

而我地新屋苑係可以養狗的, so我自己覺得我唔會理依d投訴啦!!

之後又過多一星期到目前都touch wood冇再收到投訴啦!!

可能d狗狗同d鄰居都開始適應啦!

另外講一講3隻野去廁所的問題!

以前阿朱死都要係屋企開大開細, 點知搬左去新屋後, 佢竟然有3幾日係街開大, 我地不知幾開心!!不過幾日後又打回原形, 真係空開心一場!

Gil gil &細細主要係去街開大開細!!不過細細就仲會係屋企d櫃角, 桌腳等開細, 可能未絕育啦! So佢繼續佢既豪邁本色!

我地係放左個狗廁所出露台, 不過個命中率得50%, anyway佢地係露台痾我地已經當佢合格啦!

Chu Gil Small again

 

差不多有一個月有多沒有update啦!

因為這個暑假真的不易過!

人生總會面對困難, 再加上8月突然的工作繁忙, 導致我荒廢了個blog!

臨近8月尾, 我要講一句: 我返黎啦!!!

面對好多唔開心既事, 不過一睇到以下既相, 就即刻心都甜!!!

阿gil唔知望咩呢??!

chu chu 你諗緊咩呀!!

比個chok樣你!!

細細鬼鼠眼睛!!

細細等攞獎!!

最鐘意細細依個chok樣!!

阿gil眼瞓中!!

阿細唔知等咩!!

被虐前

救命呀!!!

 

老豆大力d呀!唔該!!

唔好比停呀!!

扮野細, 最叻扮楚楚可憐!!