鈎出個袋

 

鈎左咁耐野第一次鈎袋!!

其實係左右對稱的, 只是影相有錯覺邊大邊細!
雖然圖案簡單, 但鈎麻繩始終要用力, 都鈎得幾辛苦!!!
可幸出來效果真不錯!!!

成功從領口向下織

 

雖然好忙! 不過都有繼續我的興趣織野!

其實今年都出產左唔少野!希望之後有時間續一介紹一下啦!!

先講講依從領口向下織的衫仔先!

以往織既衫全部由底向上織, 織完前幅織後幅, 之後再將佢地連埋一齊!

不過成日聽奶奶講由上向下織會快d!而且唔唔駛有接駁位!!

但係佢又太多年前織, 唔記得點織!!

有次行商務, 竟然比我搵到本書係教由上向下織!!

於是跟住織就完成以下作品!!

Yeah!!好有成功感!!

勾出一片白

 

2月中時突然睇到本書既背心幾靚!!

於是即刻買冷開工!

希望可以係今季著到!!

趕呀趕!!

終於用左2星期起貨!!

效果都ok, 不過個夾就大左少少!!

下次要小心d先得啦!

 

 

二號背心

舊年一口氣織左兩作背心比FAN生!

第一件第一次織, 織得細左少少(其實可能係FAN生肥左哈哈!).

不過佢都有著左一輪!

 

依件第二件就GOOD FIT, 佢舊年冬天成日著架!

不過係舊年, 今年佢自己買左件新野, 佢就成日著新野啦!!

不過都唔可以怪晒佢既!

件二號我攞左去乾洗…..之後一路都冇拆出黎比佢著!

唔知係唔係個個男人都係淨係著櫃面個幾件衫既呢!!佢係唔會攞下面D衫囉!!

 

 

米白超暖駝毛外套

今年的新作, 正好趕上這兩天的寒流!!

因為今次用左駝毛, 真係好暖!

不過個袖就織得唔好!!不過我已冇心機再拆左佢織過!!

我怕一拆左就會爛尾!

so算啦!每樣野都總有小小唔完美既!!我接受佢啦!hahaha!!

 

小禮物

 

其實早前一直忙於製作幾件傑作!

介紹一下依伴淺藍色和尚袍先!!

其實係織完之後再勾邊!!

 

 

都花左不少心機!!

 

其實依件衫係織比tart同學的初生BB!!

希望佢喜歡&用得著!!

可以攞去賣?!

有日係到織緊依件藍白間背心, tart突然話: 織得咁好可以攞去賣wou.....

哈哈!真係織得咁好咩!

不過最近tart要經常出差, 搞到我要忙於家務!!冇咩時間織!!

 

點解係咁不停地織呀?

好多人都同我講織咁多黎做咩呀?!

都有啲唔知應該點答依啲問題好!

我通常都係話可以既話送比朋友啦!!

不過有次同tart傾開計, 佢竟然話, 如果唔係好friend既朋友就唔好送啦!

免得人地唔織欣賞就晒左啦!

可以留返自己第時用啦!!

之前我都驚佢會唔會覺得我織太多會反感!!冇諗到原來佢係support架!

咁我就可以比心機織啦!!

哈哈哈!

 

青BB既背心

本來想買粉藍色, 點知得一舊, 聽老闆娘講買左綠色…………

買左之後又有啲後悔, 覺得隻色都係麻麻地!

不過勾左出黎又唔係咁差啫^.^