登陸莆台島

以前睇電視劇講d人去莆台島採紫菜, 印像中佢係一個好遠好遠的地方!

上星期日同阿妹&她的朋友去!

我係第一次去!

先去到赤柱再轉船!

我計過由東涌去around要2hrs!

我地10點左右去到赤柱先食個M記早餐先!

其實赤柱都好多年冇去過!!

之後去卜公碼頭上船!

都有好多人坐船, 有外籍人士亦有自由人, 仲有帶狗狗去既!

坐30MINS就去到小島!

其實HK D島都係大同小意!

不過依個莆台島可以建屋既地方實在太細, 數埋都係得10間屋左右!

不過島雖細, 但亦有天后廟!!

之後我地去左食lunch我地食餐蛋麵都係$20, 真係好抵!

原來島上係有一個海解酒家, 唔怪得知咁多老外黎啦!

島對出的地方停泊左好幾架豪華遊艇!!!

多數是外國人真係好識烹受!

畫畫畫

11月時和范生行過一間裝飾品店, 買了一幅分開三幅的畫 和一對實木大象!

全部來自泰國! 價值4位數, 其實真係唔平!

我本來覺得依D野應該留返去旅行先買, 不過范生鐘意, 我又唔反對!

而且飯廳確實須要D野點綴一下!

其實幅畫的海剛好與我地間屋望出去的海影相輔相乘!

而且有明燈指引的暗喻!

我地其實好想買D畫有狗 OR 馬OR象 , 不過可能要畫得抽象少少個D!

暫時未遇到, 買依D野其實都講緣份的!

買左返黎一個月范生先有時間掛, 而且唔想鑽穿牆, 佢最後用左D 3M貼!!

用左大半個月仲OK, 希望真係可以頂得到啦!

米埔自由行

近排參加左公司多個活動!

依次係去行米埔!

雖然范生由細到大都係住係上水鄉郊!

不過我想做下運動, 咁當然去行下都好!

而且米埔真係冇去過, 去見識下親親大自然都好丫!

個日唔係好晒, 又唔係好熱行起黎都好舒服!

米幫隔離有好多養烏頭魚的魚唐!

入面有個唔知蓮花定荷花池, 好靚!!

當然都有好多雀, 不過我地唔識分咩打咩!!

沿路一路都係行邊境!!第一次咁近邊境!

Anyway唔緊要enjoy a nice afternoon!

 

 

 

我們的生日飯

很有緣份我同范生是同一天生日!

我地其實都幾了解大家, 知道大家都不是那些會刻意安排的人!!

所以其實我也不會特別期待什麼!

難得今年生日是星期六, 本想去海洋公園行轉, 因為我好多年冇去過, 而且又係免費!

不過今年公司family day又係海洋公園搞, 剛剛先去完! So唔考慮海洋公園啦!

後來得知范生生日個日要考試, 咁就咩都唔使諗啦!!

但又不至於咩都唔做, 我早左1個月左右book左西餐私房菜, 我以前同舊老細黎過!

於是范生考完試就同佢去食餐飽!

我帶左我地4年幾前係澳洲買既酒去飲!!

我覺得好好飲, 范生就覺得太重味!

佢地個餐前包真係好得, 范生都覺好好食!!

之後個乳鴒更係皮脆肉嫩, 好少見西餐煮得咁好!!

范生平時對甜品麻麻, 但對佢依個lemon cheese cake就讚口不絕!!  
晚餐時數數手指, 原來我倆已一起渡過第17個同一天的生日!!
自己唔覺唔覺原來已經咁耐!!

好滿足的一餐!

我以前黎時已經見過餐廳內的狗狗Boss!!

返到屋企阿妹真係買左cake, 於是上我屋企食cake!

好簡單好開心的生日!!

自動吸塵器

城市人生活真係好忙, 我除了返工又要返學, 講真真係冇咩時間做家務!

不過家有三犬, 唔清潔下, 地上又真係有太多毛!

但我又做唔到日日吸塵!

知道有自動吸塵器後即買黎用!

總結: 因為size細吸力不強, 一些邊坐角位是吸不到的. 但對我來說是ok的, 因為每天都吸一吸, 比沒吸好很多, 只要星期六日, 再用傳統吸塵機吸一次就ok!!

開頭都有擔心三犬會否追住自動吸塵器黎咬, 不過佢地都係睇左一齊, 之後就理啦!

海馬公園一天遊

So我係未見過安安佳佳, 盈盈樂樂!!

今次去其實係公司活動, 所以係免費的!

由於本人有童年陰影, 係唔玩得機動遊器, 范生唯有陪我入去行行企企, 睇下企鵝熊貓啦!

公司安排左個lunch, 個環境真係好good!!不過d野食就麻麻…….

A nice day!!

開爐啦!!今次係打邊爐!!

 

 

約左一班唔怕狗的朋友上黎打邊爐!!

范生最like烚下烚下!!

自己屋企打邊爐當然要食得好d啦!!

靚肥牛係唔少得!!

另外我仲買左鮑魚同蟹!!真係好好味!!諗起都想食!!!

個晚仲有個小插曲!

話說朋友係梳化坐坐下突然聽到小提琴聲, 應該係live!

於是叫我地出露台望下咩事!

原來club house既BBQ場比人包場舉行緊婚禮!!

真係冇諗過係露台會見到人地結婚!

我估應該係D外籍人士!!

因為我個屋苑應該有50%係外籍人士住!!

大澳舊警署

 

 

 

 

 

中秋長假期間同朋友一早由東行入大澳!!

用左4小時, only休息左30mins, 今次真係行得好快下!!

去到大澳真係人山人海!!

食左小小野已經想坐車出返東涌!

因為行由大澳已經行左2次, 今次已係第三次黎!

要既都既都睇過, so唔想留太耐啦!

不過之前有同事提過大澳舊警署改左做酒店, 於是行去睇埋!!

個警署其實好細, 一眼就望晒!!

不過就真係幾靚!!

有時間可以黎睇睇!!!