我們的生日飯

很有緣份我同范生是同一天生日!

我地其實都幾了解大家, 知道大家都不是那些會刻意安排的人!!

所以其實我也不會特別期待什麼!

難得今年生日是星期六, 本想去海洋公園行轉, 因為我好多年冇去過, 而且又係免費!

不過今年公司family day又係海洋公園搞, 剛剛先去完! So唔考慮海洋公園啦!

後來得知范生生日個日要考試, 咁就咩都唔使諗啦!!

但又不至於咩都唔做, 我早左1個月左右book左西餐私房菜, 我以前同舊老細黎過!

於是范生考完試就同佢去食餐飽!

我帶左我地4年幾前係澳洲買既酒去飲!!

我覺得好好飲, 范生就覺得太重味!

佢地個餐前包真係好得, 范生都覺好好食!!

之後個乳鴒更係皮脆肉嫩, 好少見西餐煮得咁好!!

范生平時對甜品麻麻, 但對佢依個lemon cheese cake就讚口不絕!!  
晚餐時數數手指, 原來我倆已一起渡過第17個同一天的生日!!
自己唔覺唔覺原來已經咁耐!!

好滿足的一餐!

我以前黎時已經見過餐廳內的狗狗Boss!!

返到屋企阿妹真係買左cake, 於是上我屋企食cake!

好簡單好開心的生日!!