再見!!@blogspot!!!
http://fanc9.blogspot.hk/
2011年11月19日 星期六
回憶那些年熱
上星期六準備去睇那些年!
不過星期五晚去左飲一位中學同學的喜酒!
與幾位同學相聚, 當然即刻講返我地既那些年啦!!
想唔到我地既那些年已是10幾年前的事啦!!
不過有傾有講都真係好開心!!
講開那些年, 我都覺得自己算幾乖, 當時覺得考試好辛苦, 不過都堅持去自修室溫書!
一班同學仔一齊去溫書, 有時出去食下野, 有時出去傾下計, 講下心事!!當然都有溫書!!依加諗返起覺得係溫馨的事!!原來當時覺得的辛苦只是小事!!之後既原來仲要面對人生不同的挑戰!!
講返部戲, 我係UA星期六用city bank it card可以買一送一, 即$55兩張票, 真係好抵!!
不過睇完范生覺得一般啦!我就覺得可接受!!
中間有d笑位係ok既!!
算啦!有得笑下都好既!!
仲有我地發覺我&范生原來係同那些年的沈佳宜&柯騰係差不多同一年代的人!!
估唔到我地既同代已經可以拍部戲!!
2011年8月31日 星期三
再入校園
時間飛逝, 估唔到已經離開校園10年有多!
好似中學畢業時唱的明天會更好, 還在耳邊好像昨天發生的事!!
講開讀書, 我間中都有take d short course 讀, 叫做增值下自己啦!
fan生話我d cert多過佢好多!!
but人工就得佢既一半都冇!!
但就係冇”的”起心肝讀master!
眼看著身邊既同學&同事朋友, 比我年輕的都讀完!
自己好像快要比下去!
Fan 生都話我係人讀我又讀, 用左10幾萬回報好似唔多!
無可否認Fan 生講既係事實!
不過讀書始終係一件好事, so最後佢都係十卜十卜!!
因為真係拖左太耐, 再唔讀, 我估我依世都讀唔到啦!
之但係我都鼓起好大勇氣先可以決定重入校園!
要返工又要讀書, 都咪話唔辛苦!!
明天就開學啦!
我的學業生涯就開始啦!
心情都有小小緊張添!!
不過總算達成今年的其中一個目標的一半啦!!
2011年2月2日 星期三
送虎迎兔
臨近新年真係好忙!
不過又唔知忙咩!!
總之就係忙啦!!嘻嘻!!
辦晒年貨, 屋企又係咁依打掃左, 蒸埋糕, 買埋新衫等過肥年!!
虎年真係苦苦地再甜甜地!
年頭join左d yoga centre比人騙, 上左唔夠幾個月就執!
不過我其實又唔係超激氣既! 凡事都叫自己平常心面對!
哈哈!可以好人有好報啦!
估唔到最後都攞得返d錢算係先苦後甜!
工作上公司大地震, FAN生亦同時遇到工作上的重大考驗,
大家都隨時冇工作, 真係好危險!!
不過我地都總算互相扶持共渡難關
(當然中間亦曾經有小小磨擦啦!不過大家都係想解決問題, 只係觀點唔同!)
過左幾個月後問題亦終於解決, 我依然留係原有公司繼續工作, FAN生亦找到新工!又係先苦後甜!
虎年—其實可幸身體都幾健康, 不過年尾做左 一個OPERATION!
NOW WILL BE BETTER & BETTER!!
狗狗們都算聽話, 除左細細將張梳化KO左!!
依加唔知買唔買過張好!!哈哈!
仲有我地05年買既貴樓, 等左5年終於到價啦!
雖然我地唔賣樓, 實質冇咩影響, 不過心理上開心小小啦!!
(要買樓既朋友唔好鬧我呀!)
仲有要一提既係無論我或FAN生的同學&朋友都有好多新生命(BB)誕生!!
有BB誕生真係好替佢地高興架!!
其實一年又一年真係好快!
人生本來就係過完一關又一關!
希望大家都積極迎接每一關!!
仲有兔年SET左兩個TARGET希望最小要完成一個!!
如果兩個都做到就緊係最好啦!!
大家加油!!
祝大家身體健康, 心想事成, 一團和氣!!
恭喜發財!!!
訂閱：
文章 (Atom)