海底撈

上學期讀個科, 有個同學仔做個project係講海底撈依間野!

講到好好咁, 一直都好想去試…..

不過最近我地個間都要係深圳, 遲遲未有機會去試!

早排要去廣州出差, 於是即刻約埋范生細妹晚上係深圳等, 一齊去試下!

個日我7點左右到, 一路等到8點9先有位, 雖然中間有小食提供, 不過都係等得好苦!!

不過d食物又真係唔錯!!個服務員仲話要幫我地去蝦殼, 服務真係幾周到, 當然我地都係唔習慣做廢人都係自己食自己去殼!!

范生話會再黎, 如果唔駛等咁耐!!

蟹vs鵝

又到食大閘蟹的季節, 同屋企人去開餐!

當然主角就係佢地!!!

不過就一般好食!!有少少失望!

但係隻燒鵝就令我地喜出望外!

皮脆肉嫩!令人回味!!

其他食物亦都ok, 價錢亦大眾, 值得再來, 除了大閘蟹哈哈!

 

 

廣州行

 

好耐冇update啦!

不過我今個星期考完試啦!

總算有d時間可以update下啦!!

 

話說11月底時, 去左廣州分公司做training, 係即日來回!!

見到個幾年冇見既上海同事!諗起個時剛加入公司不久,

成日同一班國內同事去國內d公廠出差, 真係幾開心!!

個時大多數都未嫁, 依加就差不多個個都做左媽咪, 時間真係快!!

去廣州當然不缺美食!!

不過就最欣賞以下既芋頭餅!!

真係唔錯!聽廣州同事講係個問酒樓必叫的食物!!

 

我地走時都好趕!

6:30去到廣州東, 不過買唔到即時車票, 要等到7:30pm.

於是我地當然去醫肚!

選左車站內既”李先生”, 其實食物是不錯, 范生都話佢個時成日去廣州出差, 都會食佢d牛肉麵, 真的不錯!!

腐竹做的冷盆, 第一次食!!少少辣!幾好味!!

土豆絲冷盆(薯仔), 唔知係香港好似好少可以食到, 不過其實我好鐘意依味野架!!

真係好食!!

其他冷盆都ok!!

 

係唔係好奇怪, 點解冇熱食?

其實個日係到食到好激氣!!

講真我都算好脾氣, 都要發火!!

 

話說我地叫左d冷盆, 仲有我兩個同事叫左2份雞肉飯!

我地冷盆就上晒, 之後上左一個雞肉飯, 我地係到等…等…等…

突然間我發覺原來已經7:10pm, wa 7:30的火車…..即係冇時間啦!

我同事走去同落單私人講, but佢的普通話, 唔係幾好!

於是我出馬, 好聲好氣同佢講, 好似當冇聽到, 係要鬧先得, 不過佢都係當聽唔到!!

因為係比錢先, 之後想退錢都冇時間, 又食到一半, 真係背脊骨落!

都未試過趕火車趕到咁!!

得返10mins跑去月台!!真係鬼咁趕……

好在趕到咋, 如果唔係車票都蝕埋!

咁依餐就真係貴啦!!

 

 

 

 

為食@新天鵝堡

星期日同屋企人去食西餐, 依間野其實都幾遠係新田附近!

食物一般, 環境ok!
不過就幾貴!

睇下d食物先啦!

 

 

環境幾得意好似人地影婚沙場景氣

 

 

半自助餐頭盆甜品任食!!

 

 

個泰式螺肉沙律好好味!!

 

 

羊架: 我細佬話我整得好食d!!

 

 

煎魚:冇諗到d汁多到似湯

 

 

 

黑毛豬:都ok, but係最貴!!

 

 

 

燒春雞: 阿妹話味!!

阿妹做馬伕!

 

 

三文魚宴 @ La Vie

3月中時與Mr Fan一家去左一間係旺角叫La Vie既餐廳!

 

其實係幫我姑仔佢試菜, 因為佢間公司會同依間餐廳合作,

So我地做白老鼠免費試食!!

 

依晚係三文魚宴, so食左好多道以三文魚作材料的菜式!!

有一部份ok好食架!!不過實在一次食太多三文魚!!都有d驚驚地!!

物極必反!!so一次真係唔可以食同一樣野太多!

都係小食多知味!!

個晚真係飽到不得了!

FAN氏一家!!

 

我地兩個食食食!!!

 

食食食--由葵芳-->三聖-->元朗

又係開大餐時候!!
今次係食均新界西!!
我地由葵芳開始一路食入元朗!!
正!! Enjoy happy moment!!

 

葵芳

食魚蛋魷魚!!正!!最鐘意掃街邊野食!!

 

 

三聖

海鮮, 都ok架!!

同一班朋友有食有講, 不亦樂乎!!

 

 

元朗

食糖水---小妹係大鄉理第一次食綿綿冰!

 

 

因中醫叫我唔好食凍野, 所以都係淺嘗, 不過依個朱古力味, 又真係幾好味woo!!

真係好滿足!!

布袋澳食海鮮

近排真係好多function!!

所以真係好有食神!!

 

 

依次公司又搞左個食海鮮去布袋澳發記!

一圍都要3千幾!

都算幾貴!!

 

不過龍蝦, 鮑魚, 東星斑, 大聖子……..樣樣都有齊, 都算係咁啦!!

大家都勁讚條東星斑好味!!!

仲有隻雞, 佢地都話超好味!!

 

話說係食野前, 我地坐個架大巴係落唔到去布袋澳, 要係山腰落車行落去!

沿途我地係咁影相, 同欣賞風景真係不亦樂乎!!

但係走時就大劑!!要行返上山腰坐大巴, 真係行死人啦!

好在我地幾個行左少少, 我地公司架細車就載我地上山腰轉大巴!!

哈哈!咁就唔駛行到身水身汗啦!!

不過其他同事就慘d啦!!佢地行到上黎真係出晒汗!