好想post返我之前係facebook到post過既tag人遊戲嘅內容!
因為我覺得都幾有意思!!
見到Carol寫左一編note覺得好感動, 而且真係令我對佢加深了解!
其實人與人之間的相處在現世代真係好難做到100%坦誠, 希望依16項事情令你對我有新的看法!
1. 可能係大家姐既關係, 由細到大都唔想令父母擔心. 講真不嬲都知阿爸媽咪對我期望好高, 可惜我只係一個庸人! 不過原來做一個庸人都唔容易呀!
2. 好鍾意食街邊野, 魷魚, 魚蛋, 腕仔翅, 串燒, 炸豬大腸, 臭豆腐都係我既至愛. 好懷念大窩口既串燒……已經搵唔返依種味啦!!好enjoy人地倍我食依d野時既感覺, 可惜我既Mr. right 佢麻麻地好依d野!!
3. 成日覺得冇學識小提琴好遺憾! 我中學時學左年幾, 但阿媽話拉黎拉去都係”湯”豬咁聲, 又咁貴, 唔好學啦! 之後過左幾年阿媽仲將個琴送左比朋友個女!令我澈底要放棄啦!出黎做野之後好想學返, 但自己又冇依個堅持的心. 我成日都諗等我d仔女細個時再同佢地一齊去學啦!到時佢地一定學得快過我好多啦!!
4. 做每一樣野我都想做好d準備, 因為我唔可以臨急抱佛腳, 我係一個冇咩急才既人!
5. 可能細個時睇得多”八千里路雲和月”(大家唔知係咩節目?), 成日覺得d小數民族好特別, 生活好自由自在, 同埋好想了解多d佢地既奇風異俗. 大個左有機會親自去見識見識, 可惜佢地都已經受到文明的洗禮, 同我心裡諗既差好遠. 當然我地都唔可以咁自私要佢地永遠都咁落後啦!
6. 用寂寞難奈去形容我都幾啱, 我好怕一個人
7. 承第6 items, 但係我試過一個人去法國十日, 係一個人十日…….我都唔知自己點解可以頂到!除左寂寞仲要克服好多野, 又要夠膽, 又要咩都係靠自己. 當然可以既話我都係想2個人或以上一齊去!!
8. 唔好睇我好似好柔弱, 其實我都幾獨立. 當然可以既話我都好想倚賴下人啦!
9. 我係一個好冇所謂既人, 食咩冇所謂, 著咩冇所謂, 去邊冇所謂
就係因為我冇所謂, 所以亦係一個冇咩主見既人.好怕人地問我兩樣野選邊樣, 因為我本身已經係個冇主見既人, 實在好難答@.@
但係如果有d野我決定左, 我又係一個好固執既人, 你地唔駛旨意改變我呀!!!haha……
10. 以前都幾鐘意聽阿婆同媽咪話當年, 講以前家族d威水野, 佢地兩個既外家幾十年前係大陸都係好有錢, 但當你聽緊第100次時
11. 我做野好心急, 係缺點亦係優點^.^
當我同你講第二次既話, 你都未做好, 如果我自己識, 我一定會自己做左佢唔會等law……所以如果唔想幫我做, 你可以拖耐d, 噉我就會自己做啦!
12. 成日都好想諗清楚做人為咩呢?!
到依架我都係未諗清楚, 成日都話自己未有時間停下靜靜地諗~.~
但係依d看似簡單但其實咁深奧既問題, 又邊到會有真實的答案呢!
可能真係要等到我百年歸老前一刻先諗到!
13. 細個時已經覺得自己冇咩特長, 游水打波我唔得, 唱歌跳舞又唔得, 能言善辯又唔得……唔通我真係咩都唔得!!!
讀中學時參加左家政學會, 個家政老師好惡, 但佢好錫我依個乖學生@>@, 所以我對整野食都好有心機同興趣!!當然整得好唔好食就見仁見智啦!!我仲參加過towngas既比賽, 當然係冇攞獎啦!但係都係一個好寶貴既經驗!返而讀大學之後就好少整野食啦!成日都好忙麻!!比左好多藉口自己!希望未來既日子可以抽多d時間磨練一下啦!^.^
14. 我都幾鐘意買書, 又通常都係得個買字唔睇!要強調一點我係好鐘意買烹飪書, 要插圖靚個d woo……但係買左真係好少試整law……
15. 無時無刻都好想知依家幾點……所以到依家我都係會帶錶訓覺, 其實除左沖涼外, 都冇咩時間我係會唔帶錶. 帶錶比我一種獨特既安全感
16. 其實我係一個冇咩愛心既人, 無論係小朋友定係小動物我都麻麻地like, 但又不致於極度抗拒!!屋企養左兩隻狗, 當佢地破壞屋企d野時你真係好憎佢地!!又要認受佢地陣味!!但當佢地好乖, 好聽話時!!你又會覺得佢好掋錫law~.~無論人定係寵物都真係要好有心機同花好多時間去教佢地!!
希望大家睇完我長氣既16件事情後, 你地都寫返編, 等我可以了解你多d啦!!
F
回覆刪除