係選擇去邊間租褂前, 已經參考左一d blog 友既推薦!
於是係結婚前一年左右去左美華打算問下資料!
點知個老細好似好忙咁完全唔理我地!
就算理我地, 佢又話叫我地過左年先黎過!!態度唔係幾好!
或者我地真係太早啦!
後來過左年我約左friend打算再去睇啦!
點知搵唔返個間!冇可否認我係路痴!!
But係同一條街就見到另外一間!!錦發繡品公司!
老闆娘好細心攞d褂比我試!
其實我自己心目中已經決定左要褂后, so其他款就唔駛試啦!
我選既褂后係銀色為主, 因為我覺得金色有d”娘”!
最後都落左訂租左!
唔好以為咁樣租褂就finish啦!
我個同事既太太都係係依間租褂!佢比我早兩個幾月結婚!
係我婚期前兩個個幾月先聽佢講, 佢地係租頭褂!
頭褂即係新既褂, 未被人租過既!!
當然價錢都要貴50-100%!
於是乎我都心思思!
打去問老闆娘, 原來頭褂係要係婚期前半年左右訂, 因為係專登做依件衫出黎!
做件褂閒閒地都要幾個月!!
咁我咪即係唔使諗啦!
但係風回路轉!!老闆娘話佢地自己訂左套褂后啱啱送黎未有人租過!!話我好彩woo………..
老闆娘叫我過去睇左先決定轉唔轉!
開頭都有d懷疑佢係唔係真係新架!話有就有!
後來同tart一齊去睇, 真係好新, d裙腳串串珠仔都未訂上去!
而且同我原本租既舊褂一比較就見到真係好大分別!
新既紅色真係鮮艷好多!!
我睇完後個心都十五十六, 雖然比較之下真係靚好多, 不過貴成倍有多!!真係唔捨得!!
最後緊係but tart決定啦!
佢既決定當然係租頭褂啦!!!
到左今日我都係好多謝佢當日既決定!
如果我冇租到頭褂, 我一定會有少少後悔!!
如果唔知就算啦!知到左, 仲要睇到個分別, 咁就真係好想租頭褂囉!
算啦!一生人一次, 駛多一千幾百!唔好諗太多啦!!
好棒的地方 我一定要常來~~~^^~ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
回覆刪除