Chu, gil & 龍 update

新年雖然已經放左一個星期假!但係都係好勀!!

 

早出晚歸去拜年, 返自己屋企&去奶奶到食飯!!

想係屋企好好休息都唔得!!

 

加上gil & chu係年廿九又做左絕育手術, 真係想多d睇住佢地三隻野都冇咩時間!!

好在佢地個傷口都埋得幾靚!!初八都拆左線啦!!

 

人地話做左絕育手術會乖d, 但係chu chu都係咁上下, 有時會係屋企開大!!咬石屎牆…………….真係會比佢激死!!

 

而細佬5個月大啦!都係未識係露台去小便, 而且佢飲好多水, 放工返到去第一時間就執屎同抹地!!而已天氣潮濕, 真係好難搞!

 

 

真係想佢快d打完第3支針, 跟住可以帶佢落街, 教佢係街去尿尿!!