飛躍越南之旅2011 I

年初時阿妹已經話佢D飛行里數今年尾到期!

問我有冇興趣去旅行, 順便用埋D里數!

有免費機票就緊係去啦!!!

 

不過今年初工作都好忙!一直都冇”的”起心肝去搵資料!

拖下拖下, 拖到我4月尾去埋上海出差, 都未決定去邊!!

 

加上阿媽都去, 里數又有限……真係好多Limitation……

度左幾日, 最後係我&媽咪買國泰package, 阿妹就用飛行里數換機票!

我地好好彩可以就埋同一架機而且仲係早機去晚機返!!用盡d時間!!!

選擇越南係因為冇咩選擇, 因為要我地3個都未去過既東南亞國家, 真係冇咩幾個!!哈哈哈!!

第一日

早上坐8點幾機, 因為媽咪屋企近機場, so都唔駛太早起身!good!

不過我地食早餐食到忘晒型, 要到final召集先上機!!哈哈!

一落機, 越南機場都唔差, 都幾新!

一出機場就feel到勁熱, 果然有成34-35度!!

機場去第一二日住既酒店, 唔駛半個鐘!都幾近!

不過依間package包既5星酒店就一般啦!有小小舊!

放底d野, 拿拿聲出去醫肚先!

黎越南緊係試下越南牛肉粉先!

每人一碗!

多謝$150000, 可以做首期!!

其實都只係HKD$60左右!

食飽左就行下胡志明D景點!

不過中間食左個榴槤雪糕!

真係好濃榴槤味!!!

真係有好多法式建築物, 果然係曾經係法國植民地!

教堂

教堂後面, 有冇見到我地呀?

要託住胡志明真係唔簡單!

有model係到影緊相!!

歌劇院

其實我地有一個錯誤的行程安排, 係34-35度既下午我地去依D影點!真係行到熱死人!流左我幾年冇流過咁多既汗!

只有好似我阿妹咁馬騮仔託世既人先可以行得快又狂影相!我都係行埋一邊坐坐先!

行完之後即刻行返酒店沖涼, 因為真係成身汗!

之後好想瞓覺唔想出去食飯!BUT唔食又唔得!

於是又繼續食越南野!

不過今餐我食左一樣我生平食過最難食既野……

睇食物D樣都好正常!

不過問題就出左係越南春卷到!

一碟有4條!

我第一個食! 佢有菜比我地包!我就緊係包啦!

點知一食, WA勁鯹!!有一陣蠔仔鯹味, 我本人其實都好食得鯹, 不過都真係勁難頂!

心諗冇理由越南D春卷會用蠔仔做架!!

媽咪都有食, 佢都覺得勁鯹!

阿妹見我地食到想死咁即刻唔想食!!

不過佢最後都有食, 佢話佢食唔到鯹味WOO!!!

冇理由架!

原來佢冇加到D葉食!

係依D唔知咩葉有勁鯹既味囉!真係我食過最難食既野!

自始之後我地食越南春卷都會好小心!!