夢中的婚禮

結婚大大話話準備左年幾!

雖然嫁左半年………..但係依然係咁令人回味!

不如就由選擇行禮地點開始講起啦!

我唔想係酒店做埋證婚, 因為怕啲賓客會唔專心!!

我想將佢地既焦點完全集中係我地身上呀!!一次咁多啦!

我冇考慮過去婚姻註冊處

因為太短時間啦!比我既感覺有啲兒嘻!可能我既要求比較高啦!哈哈哈!

以下有三個地方我曾經考慮過:

1. 黃金海岸酒店的花園

好處: 有草地裝飾都ok, 望到海都幾有feel

壞處: 好貴, 返我擺酒既酒店又遠

           

     2.  西貢三育中學

好處: 有草地亦有教堂, 價錢適中

壞處: 都係 返我擺酒既酒店遠

 

      3.  伯大尼小教堂

好處: 價錢適中, 個教堂好靚, 周圍環境又好ok

壞處: 都係 返我擺酒既酒店遠

雖然我唔係教徒, 但係總想得到上帝的祝福!

而且, 我是根深柢固的有每個女孩一世人總要行一次教堂既觀念!

最後當然選擇左伯大尼啦!!舉行我夢中我婚禮!!

 

至於book伯大尼亦是一個經典的故事!

話說伯大尼好full好難book……………

一定要係行禮前一年book, 因為我係星期六仲更加難上難

咁即係我要係2008年2月1日零時零分打去留voice mail.

於時叫左一班同事幫我打, 有同事T, C, Z, Ca…………….個個同事都好落力呀!!

2月1日office hour 打左n多次電話比伯大尼都唔通, 之後有一次終於通啦!

想問吓究竟我book唔book到, 點知佢竟然話佢地收到幾百個voice mail 到依加都未聽完, 佢話之後會再聯絡我!唉!又係要等, 搞到人鬼咁心急!

過左幾日伯大尼職員竟然打比我同事T話佢BOOK到!

真係麻煩晒T, 亦都要係到再次多謝佢幫左我個大幫啦!

 

(其實T佢都係08年11月係伯大尼行禮)