遊學

最近遊學真係好hit!!

 

阿妹有個朋友仔今年中都開始左去澳洲遊學一年!!

 

係facebook到見佢upload既相真係好特別!

 

佢地去澳洲唔同城市工作&旅遊真係好寫意!

 

我都好佩服佢地既決心! 可以放底香港既一切去外國遊歷見識, 真係可以做到古人講既”讀萬卷書不如行萬里路”!!趁後生冇咩負擔去下真係無防!!

 

雖然去就冇我份, 不過睇下佢地經歷我已經好開心啦!!

 

佢地既經歷暫時有兩件事我覺得係好特別架!

 

我阿妹都係澳洲讀過書, 佢教佢個朋友仔可以去沙灘執鮑魚, 佢朋友真係開車去左沙灘執鮑魚, 仲執得好開心, 到天黑要走了, 去到架車到竟然發現唔見左車匙!!

 

大獲啦!!天都黑曬, 係沙灘跟本搵唔到車匙!而且係外國個沙灘係冇其他人架!!

好在佢地又黑唔曬, 見到有一架車係公路經過, 即刻坐順風車到town再坐的士回住既地方!外國既的士跳錶好似心跳咁, 貴到呀!坐一坐就要$700幾!

佢地個晚好膽心, 因為可能要叫拖車拖架車返town……外國叫拖車好貴架!加上冇架車佢地又返唔到工即係冇收入啦!!

今次佢地既鮑魚真係貴到呀!!!正當阿妹個朋友仔唔知點處理時, 佢決定第二日再去沙灘睇下架車先再作打算!於是第二日佢坐bus, 再步行2小時先返到個沙灘!!可能個天見佢咁慘行左2個鐘, 竟然發生左奇蹟!!佢係車頭見到條車匙!!

 

應該係有心人係沙灘執到車匙, 見成個沙灘附近得一架車, 於是放返係車頭!!我阿妹話, 有時外國人真係咁鬼好架!!我相信依次鮑魚事件佢地一定永世難忙!!

 

早幾日係facebook見佢地post左段野出黎話去到一個新城市搵到份新工.” 搵到份係電製工廠process worker o既工作, 尋晚第一日返工,只不過係每30分鐘將6條 鋼條隊入部機器度, 返晚上11pm 到第2朝7am~時薪就高達28AUD,一個星期返40個鐘, 對返澳紙1對7.7港紙, 我月薪有成3萬5”

再睇埋d相, 原來間公司係我公司係澳洲既其中一間分公司, 依個世界真係細,  我都真係估唔到原來做個工人, 人工分分鐘都高過我地d manager.