瑜伽班的教訓

之前我都有提過, 我係今年2月時join左瑜伽班, 佢地話3月會開, 不過最後要到4月底先開!!

 

其實真係都幾膽心, 因為有幾間其他瑜伽中心相繼倒閉!!

 

好在佢都開得成!不過講真真係冇咩信心, 唔知佢開幾耐會執!!

So我珍佢未執, 就勁去上堂!!不過上極都唔會太多, 因為要返工!

冇計啦!!鬼叫自己簽左約上左賊船咩!!

我只係一心想做運動, 健康d原來都有咁多麻煩野!!(因為我平時係0運動人)

 

如我所料, 佢真係開左4個月左右就突然執!!

講真可能我一早都估到d, so都唔係真係咁突然!

我安慰自己當係幾百蚊上一堂啦!都總算有上過!!(係唔係好阿Q, 冇計啦!)

 

不過個老闆真係好無良, 係全心騙我地依d消費者囉!!

好在天綱灰灰, 佢地都比警察控告緊!希望告得入啦!!

還我地一個公道!

 

起初知道間野執左係有少少肉痛啦!不過都冇太唔開心, 而且fan生亦冇話我!

反而係要應付老爺奶奶有d尷尬, 好在最後都冇咩野!!

 

事發後幾日知道原來可以寫信要求銀行stop payment,

咁緊係即刻做野啦!!

過左一星期左右佢地就回覆我啦!

佢地可以計返我未用既服務黎pay back(雖然計法有d奇怪, 不過有得比好過冇啦!!)

不過我都總算冇咩損失!

我真係估唔到會咁順利woo!!

不過聽其他受害人講佢地用的銀行就未必咁容易payback!

So原來用獅子銀行真係有保障d架!!大家記住啦!

 

間野執左除左金錢上既損失, 心靈都有小小空虛(有冇咁嚴重呀?)

其中一位係以前瑜伽班教得幾好既阿sir自己係d體育館開班教瑜伽&跳舞, 仲可以遂堂收費!!$35一堂!抵玩啦!!

 

經過今次真係連facial都唔敢join, 如果佢執左都係唔知搵邊個!

But遂次比又好鬼貴!!依加香港真係冇咩選擇比我地!!