當已買齊龍鳳手鐲&龍鳳頸鍊後, 襯褂就只欠耳環!!
正當考慮是否須要買對金耳環時, 媽咪又出場啦!
佢係保險箱到攞左對耳環出黎送比我!
依對耳環原來係唔簡單!
已有過百年歷史, 應該係我太太外婆的嫁妝!
一直傳到我媽咪!
真係好感謝我媽咪將佢傳比我!!
其實百幾年前只有大戶人家先有錢買金器做嫁妝!
而且對耳環, 手工好精細!中間有個壽字!我真係會好好珍惜!!
不過戴左一日之後其實都係收左入保險箱!!哈哈!
其實戴依個耳環時都有小插曲.
話說係結婚前一兩日, 我曾經試戴!
不過個耳環針頭好粗, 可能以前D人耳洞比較大啦! 我戴左好耐都戴唔入!!
於是就好驚啦!唔通戴唔到!!!
阿媽就叫我用力少少戴!!
最後都戴到, 不過就有D痛囉!!
好在之前試左, 結婚個日戴時就識就力都戴得好順利!
沒有留言:
張貼留言