破財@yoga

係2月底既時候join左beauty yoga, 當時佢話3月底會開!!

可惜到左3月底佢都未開要延期到4月底先開!!

當時都有d膽心, 因為接二連三都有yoga店執!!

都唔知佢開唔開得成!

 

跟住等到4月中, 有好多join左依間yoga的朋友佢地都向電視台投訴佢未開!!想退錢!

係傳媒的報導下, 佢地係4月底就開左一間房先!止住我地把口!

雖然都有少少貨不對板, 都好過冇啦!!

 

開頭我都好想退錢, 不過其實係好難!!

所以我情願佢開得成, 快d投入服務仲好!

我參加yoga班都係想做下運動健康d啫!!

不過其實講真, 就算佢開左我都唔係好有信心, 只係勢成騎虎, 都冇得膽心咁多啦!!

 

新年既時候, 揾左師傅上黎睇間屋, 佢話tart今年可能會破財, 但係記住要平心面對, 咁就會大事化小!!

哈哈!我就當左今次既yoga事件係師傅講既破財事件, 要平心面對!!嘻嘻又比我揾到個藉口啦!!

 

算啦!!可以做到平心面對其實都幾難!今次我都算唔錯啦!!

依加可以做既就係去上多幾堂yoga補返數啦!!yeah!!