大地震

 

今日大地震, 唔係香港大地震, 而係我公司大地震!

我地裁員裁左8個人, 大家心情都好沉重!

經濟真係咁差?

其實最近我係工作上都面對不少困難&壓力, 實在很氣餒!

但這種環境我是否應慶幸我還有一份工作!!??

夢中的婚禮~~證婚II

你須要按摩嗎??

TART 星期一出差去泉州!

佢帶左我支新嘅Crabtree rose cream去搽(250ml)

點知比人收左!

佢唔記得左依加係唔可以帶液體上機(手提行理)!!

可憐的rose cream成支就咁”side”左!!

 

昨晚正當我跟tart講電話時, 佢酒店嘅電話突然響起!

我聽到tart用普通話說:不須要!

 

原來係有女人打黎問須唔須要按摩!!

Tart話佢縱橫珠三角咁耐都冇係酒店收過依啲電話, 竟然係泉州收到!!

 

 仲要比我係電話隔離聽到!!

風趣的中醫師

 

係我阿嫂嘅介紹吓去睇左一位被喻為神醫嘅中醫師!!

淨係book睇都要預早一個月, 就知佢幾咁巴閉!!

 

當我入去睇嘅時候, 佢就對我嘅中文名十分有興趣, 話我中文名好有詩意, 改得好好…………….之後就問我係唔係17歲…………我當堂突然唔知點答好, 過左3秒我狂笑住答我都想係!!!

 

之後又問我結左婚未, 我話剛結左半年, 有沒有小朋友, 我話未有, 佢話未有即係仲係”姑娘”啦!! 哈哈哈!C9竟然係姑娘!!

 

之後佢就把脈,仲講左我有7大問題!其實都仲左8成!!!

不過有啲野係好common嘅都市病我諗好多人都有囉!

Anyway點都信住先啦!!

青BB既背心

本來想買粉藍色, 點知得一舊, 聽老闆娘講買左綠色…………

買左之後又有啲後悔, 覺得隻色都係麻麻地!

不過勾左出黎又唔係咁差啫^.^

 

夢中的婚禮~~花球

其實我總共有3個花球

我係秋子訂左, 不過有啲失望, 啲花有小小殘殘地!!

用黎接新娘, 因為前一日已經攞定!

另外酒店送既K&S禮券亦包花球, 不過我選左我最鐘意既小百合要另外再加錢!!

但係依個花球真係好靚, 依個花球係連同佈置教堂時一齊送黎, 唔使去攞!!不過發生左啲小問題!在教堂混亂間個花球上左車送左去酒店, 變左行禮冇得用, 要用返秋子個個!有啲可惜, 影少左啲相!不過去到酒店就狂用K&S個花球影相啦!

(依張相都係我自己結婚婚後第2日自己影架!!當然啲花已經開始有小小殘啦!)

第3個花球係我自己同阿妹整架!其實買材料都唔平, 係花虛繽紛到買!因為係用黎拋花球時用的, 我怕用真花會容易散, SO自己整左個效果都唔錯架!!

白色個個係我地整架!粉紅色o個個係秋子嘅!

多左啲花我地用黎再整多個細花球仔!!

 

其實我覺得拋花球時氣氛真不錯!亦都係到祝福各位姊妹早日搵到真愛!!

夢中的婚禮~~教堂證婚II

我不是教徒, 所以證婚只係請o左律師!

不過Tart有位中學同學是基督徒, 我邀請了她為我們讀經!

我自已覺得很有意義! 可以引導我們婚後應如何相處!

也算是神或她給我們的祝福!!

真的非常感謝左冷嬋腹大便便來為我們讀經!

如今小嬋已出世了!!在這祝她健康快樂地成長!!

 

婚禮讀經 (三段經文)

<馬可福音 10:6-9>

但從起初創造的時候，神造人是造男造女。

因此人要離開父母，與妻子連合，二人成為一體。

既然如此，夫妻不再是兩個人，乃是一體的了。

所以神配合的，人不可分開。

 

<以弗所書 5:22,25>

你們作妻子的，當順服自己的丈夫，如同順服主。

你們作丈夫的，要愛你們的妻子，

正如基督愛教會，為教會捨己。

 

<哥林多前書 13:4-8>

愛是恆久忍耐，又有恩慈。愛是不嫉妒，愛是不自誇，不張狂；

不作害羞的事，不求自己的益處，不輕易動怒，不計算人的惡；

不喜歡不義，只喜歡真理。

凡事包容，凡事相信，凡事盼望，凡事忍耐。

愛是永不止息的。

 

這三段經文我最喜歡哥林多前書的一段,  特別是” 凡事包容，凡事相信，凡事盼望，凡事忍耐。愛是永不止息的”實在是意義深長!!

喂人奶有咩好處??

前幾日同同事J傾開計, 佢問我, 你認為喂人奶有咩好處呀?

我話對BB健康好啲囉!抵抗力好啲囉!

估唔到佢話佢有一位住係英國既媽媽級朋友同佢講,

喂人奶既好處就係"唔駛洗奶樽囉!"

我真係冇諗過仲有依啲好處WOO.............

又真係慳返好多功夫既!!!哈哈哈!!

籌備夢中的婚禮~教堂證婚

千辛萬苦的book到伯大尼後, 其實仲有好多野要準備!

首先book律師都係由同事T介紹林律師, 原來世事真係咁橋, 我地個證婚律師竟然係同我大伯既證婚律師係同一個人, 事前我地係冇交流過架!!

林律師講野夠大聲, 而且好守時!!

本來我冇諗住要佈置教堂, 因為個教堂本身好靚!

BUT酒店送左K&S既佈置禮券, 而我地酒店用左第二間公司佈置, 所以Tart話不如用K&S既佈置禮券係教堂!

其實教堂佈置好簡單只係10幾盆花&欄杆, 但係我地選既小百合比較貴!!不過百合係我最喜歡的花!!唔理啦!!

最後要加多5位數字既錢, 本來我都好肉痛……….不過見到佢整既花又確實幾靚既!! 特別係花球………真係好靚!!花球我有物超所值既感覺囉!!

個幾盆花我地都有攞埋去酒店放, 唔好晒丫麻!!用盡佢!!!哈哈哈!!

之後到音樂………冇諗過播CD……都係個句覺得兒嘻!

可能我鐘意做戲做全套啦!!

伯大尼有ORGAN不過要比錢租, 幾百啦!

最後我係請左Choir (8-12個人), 唱三首歌&結婚進行曲, 用左幾千蚊……………

 雖然都有啲貴!

But Tart本身唔係好識欣賞依啲野, 但佢當日同我講, 有依啲音樂真係好有feel woo……..震撼好多囉!

好可惜當日既我係冇時間細心欣賞啦!只係依稀有少少印象佢地唱過咩啦!

希望在坐既賓客會欣賞到我一番心意既安排啦!!

 

(P.S.: 我地放左兩個好大既花炮, 影出黎既相真係GOOD……….但係難為了一班兄弟係咁係到掃都掃唔晒!最後由大伯諗計搞掂左!!真辛苦晒你地呀!)

 

原來搞一個夢中的婚禮真係要不計成本同埋要犧牲好多人既時間&勞力同心思!!

 

走向光明前路

 

上天賜予的機會終於降臨, 為我們解開困境!!

但未來的路仍然有很多挑戰, 我們依然要勇敢面對!!

法國私房菜~~美味的菜式

依個餐前包好香又脆搽少少牛油, 暖暖地超好味!!

同事選左Baked abalone好好味呀!!

我就選左Duck Liver With Apple, ok

依個Minstone雜菜湯, 有蜜糖豆好正!!

我嘅Crepe of crabmeat一般啦!

Stuffed Morel with Chicken Mousse 一隻唔知咩菇都幾好味!!

Sorbet西瓜雪糕”正”清清地

Stuffed seabass with potato 都ok啦!!

牛油曲奇一般啦!!

甜品Berries tart用石榴整左個汁好香

今餐真係好豐富, 有機會可以搵埋Tart一齊黎食多轉!

總之要再一次多謝manager請客!!