其實奶奶同媽咪對衫既要求都好高!!
而且要做到唔好撞色撞款都好難架!!
首先講我奶奶先啦!
上次我大伯結婚時, 佢地係藏愛幫我奶奶租衫, 諗住租一件佢地結婚著, 一件我地結婚著, 比埋錢決定埋邊件!
但最後奶奶覺得暮唔起(即唔合身), 轉左第二間!
於是我地結婚當然係要用返依間!講真我奶奶選親個d其實都唔係奶奶衫, 全部都係新娘晚裝, 不過佢比較後生, 都著得好好睇!不過有一個問題係奶奶始終有返咁上下年紀, 個size係要著大碼, so選衫時都有好多limitation. 好在今次都選到兩件高貴大方, 佢又著到既衫!!
紫色依件其實著得佢瘦d, 好多人都讚佢好後生, 我諗佢都好開心!
白色閃既旗袍, 其實好蝦人著又有個大露背, 好在都有一層薄紗, 冇咁覺眼!!
其實我自己真係覺得件白色閃既旗袍好靚, 比較特別!
而奶奶著出黎都真係雍容華貴!!可惜影唔到條裙既detail!
可以睇到奶奶白色旗袍全身同埋我媽咪既粉紅色旗袍!!
到我媽咪啦!
其實我同佢去深圳做衫時, 佢都做左好幾件旗袍, 好在最後有兩件都見得下人!!
其實當時都有d膽心, 奶奶d衫租得咁”恆”, 冇理由阿媽淨係著係深圳做既衫!!
於是膽粗粗叫阿媽去埋藏愛睇下有冇啱(因為我媽咪係超級慳家, 比佢知幾千租一件衫, 佢一定唔租囉!!)
點知去到佢都覺得d衫好靚, 其實一早睇中件粉紅色, 不過當然試得唔好晒!試埋其他啦!哈哈!最後係租左件粉紅色晚裝!媽咪都著得好好睇!真係好高貴, 我都好滿意!
當然佢都有問我要幾錢租, 我話唔好問啦!最緊要都係你鐘意啫!!同埋著得你靚就得啦!!之後佢冇再講啦!可能佢都知大約幾錢, 不過可能佢都好鐘意, so冇再講咩啦!!
另外係深圳做個件粉紅色旗袍, 其實真係唔差, 一d都唔似係深圳做!同埋我媽咪真係好受得粉紅色!!個個都讚佢身材keep得好!真係開心!
依件係紫紅色送客旗袍!
總結租奶奶媽咪衫都唔係容易, 好在結果都好滿意大家都好開心!!
哈哈, 唯一唔開心就係銀包!!之前都提過啦!奶奶媽咪係藏愛租個d其實係新娘晚裝, so total租左3件, 其中唔記得一件定二件係要up grade, so都要成萬幾蚊!!
不過都冇所謂啦!最緊要大家都開心就得啦!!嘻嘻!
可否給深圳做衫的地址給我呀, 價錢係幾多呀?
回覆刪除celia_lyn@yahoo.com.hk
另外我覺得個拖尾好靚呀
-----------------
媽咪敬酒那件粉紅色都好靚呀,...在 藏愛租的?
[版主回覆03/31/2010 10:24:00]其實我地係去羅湖商業城 5 樓做衫架 !!
我地都係睇下邊間做得靚就幫襯邊間咋 !!
都唔係好記得個間野叫咩名啦 !!
其實做衫 & 買布係分開架 !!
你首先要去買布 ( 都係 5 樓 ), 個到有好多布比你選 , 一定要講價 , 50%!!
當然 d 布有平有貴啦 !! 要睇你選咩款啦 !
之後就去做衫鋪做衫 ! 做一件旗袍冇咩特別既大約要 $200-300 左右啦 !
哈哈 ! 我媽咪件粉紅色敬酒旗袍係唔係好似係藏愛租既呢 !!!
其實都係深圳做架 !! 連工加布料好似都係 600-700 左右咋 !!
希望 d 資料對你有用啦 !!
謝謝你的回應呀...
回覆刪除真係好靚. 好平
咁媽咪敬酒個件粉紅色旗抱d 厘士係咪分開買架
另外,款式係去到商店給書你看的嗎?
good good good
[版主回覆04/01/2010 11:59:00]其實 d 厘士唔係另外買架 ! 係個塊布本身個邊黎架 !!
其實去 d 做衫鋪佢都有 d 書比你睇 , 睇下你想做咩款 !
Or 有時見佢有 d 做好比其他客既衫 , 你都可以參考下 !
不過做媽咪衫 d 款式其實黎黎去去都差不多 !!
另外我媽咪件粉紅色旗袍 , 睇落咁靚 , 其實真係同個布的花紋有好大關係 !!
咁好彩比我地選到個靚布咋 !!
不過有時都好難講 , 明明個布好靚但都會做出黎麻麻地 !!
So 我地都做左幾件先有一件覺得好好咋 !!
HIHI~ 咁我想問下你婚前大約幾耐上深圳做媽咪旗袍呀 ?如果一件大約600-700 真係唔貴喎 , 即係要布料同埋手工都要講價大約50%呀 ?
回覆刪除[版主回覆08/03/2010 11:10:00]我地大約係婚期前大半年就做啦!可能係我地太心急啦!!
其實佢一般2-3星期都做好啦!!
我地會盡量講價囉!你知啦!大陸d標價, 真係markup得好誇張!
布料我地就大約講50%左右啦!手工就冇講咁多最多都係減到10幾20蚊咋!
咁我想問個款係咪上到去有得比你選款架 ?你媽咪做個幾件既款式係你地自己比佢定係有圖選款架? 因為我媽咪話自己唔襯旗袍 , 想做比較西式既晚裝 , 唔知佢有冇圖選款呢?
回覆刪除[版主回覆08/04/2010 09:17:00]我媽咪做個 d 係好 standard 既款 , 唔駛點睇圖都做到 !
不過我都有陪佢去金都行一轉 , 睇下人地有咩款 !
不過其實佢地一般都會有圖彧者做好既 sample 比你睇既 !
So 都唔駛太膽心 !
閒人(我)路經.想話你同你媽咪都好靚女。
回覆刪除[版主回覆12/29/2011 09:02:15]THANKS!!