過左個平淡不過又好繁忙的聖誕!
係時候清一清d blog先!
其實前一兩個月影左好多相, 可以寫, 不過都冇時間落筆!
希望依加唔會太遲啦!!
記得應該係10月時去左Delifrance食野, 睇見有蜂蜜洋甘菊茶, 好想試, 於是加左$8蚊試!
真係幾好飲!!
特別係秋冬天氣乾燥時, 真係好潤下!!
於是就自己去買左TWININGS既洋甘菊茶自己沖!!
真係VERY GOOD, 大家可以一試!!
過左個平淡不過又好繁忙的聖誕!
係時候清一清d blog先!
其實前一兩個月影左好多相, 可以寫, 不過都冇時間落筆!
希望依加唔會太遲啦!!
記得應該係10月時去左Delifrance食野, 睇見有蜂蜜洋甘菊茶, 好想試, 於是加左$8蚊試!
真係幾好飲!!
特別係秋冬天氣乾燥時, 真係好潤下!!
於是就自己去買左TWININGS既洋甘菊茶自己沖!!
真係VERY GOOD, 大家可以一試!!
不過我今個星期考完試啦!
總算有d時間可以update下啦!!
話說11月底時, 去左廣州分公司做training, 係即日來回!!
見到個幾年冇見既上海同事!諗起個時剛加入公司不久,
成日同一班國內同事去國內d公廠出差, 真係幾開心!!
個時大多數都未嫁, 依加就差不多個個都做左媽咪, 時間真係快!!
去廣州當然不缺美食!!
不過就最欣賞以下既芋頭餅!!
真係唔錯!聽廣州同事講係個問酒樓必叫的食物!!
我地走時都好趕!
6:30去到廣州東, 不過買唔到即時車票, 要等到7:30pm.
於是我地當然去醫肚!
選左車站內既”李先生”, 其實食物是不錯, 范生都話佢個時成日去廣州出差, 都會食佢d牛肉麵, 真的不錯!!
腐竹做的冷盆, 第一次食!!少少辣!幾好味!!
土豆絲冷盆(薯仔), 唔知係香港好似好少可以食到, 不過其實我好鐘意依味野架!!
真係好食!!
其他冷盆都ok!!
係唔係好奇怪, 點解冇熱食?
其實個日係到食到好激氣!!
講真我都算好脾氣, 都要發火!!
話說我地叫左d冷盆, 仲有我兩個同事叫左2份雞肉飯!
我地冷盆就上晒, 之後上左一個雞肉飯, 我地係到等…等…等…
突然間我發覺原來已經7:10pm, wa 7:30的火車…..即係冇時間啦!
我同事走去同落單私人講, but佢的普通話, 唔係幾好!
於是我出馬, 好聲好氣同佢講, 好似當冇聽到, 係要鬧先得, 不過佢都係當聽唔到!!
因為係比錢先, 之後想退錢都冇時間, 又食到一半, 真係背脊骨落!
都未試過趕火車趕到咁!!
得返10mins跑去月台!!真係鬼咁趕……
好在趕到咋, 如果唔係車票都蝕埋!
咁依餐就真係貴啦!!
上星期六準備去睇那些年!
不過星期五晚去左飲一位中學同學的喜酒!
與幾位同學相聚, 當然即刻講返我地既那些年啦!!
想唔到我地既那些年已是10幾年前的事啦!!
不過有傾有講都真係好開心!!
講開那些年, 我都覺得自己算幾乖, 當時覺得考試好辛苦, 不過都堅持去自修室溫書!
一班同學仔一齊去溫書, 有時出去食下野, 有時出去傾下計, 講下心事!!當然都有溫書!!依加諗返起覺得係溫馨的事!!原來當時覺得的辛苦只是小事!!之後既原來仲要面對人生不同的挑戰!!
講返部戲, 我係UA星期六用city bank it card可以買一送一, 即$55兩張票, 真係好抵!!
不過睇完范生覺得一般啦!我就覺得可接受!!
中間有d笑位係ok既!!
算啦!有得笑下都好既!!
仲有我地發覺我&范生原來係同那些年的沈佳宜&柯騰係差不多同一年代的人!!
估唔到我地既同代已經可以拍部戲!!
又到生日月, 今年生日月真係好忙!!
忙做project, 功課&飯局!!仲要準備考試!!
同范生一齊過左16個年頭既生日, 除左頭兩年佢仲係UK讀書時, 唔係一齊過!
之後都年年一齊過, 加上我地係同日生!SO一年只有一天可慶祝!
不過我地其實都冇咩特別節目, 亦唔會一定買禮物比對方!
之但係我今年就有買野比佢!希望佢歡喜啦!!
剛好我生日個晚要返學, 又係REVIEW堂, 唔可以走堂!SO要遲返!!
唔想范生一個人咁孤單, 於是係FACEBOOK呼籲叫D FD約佢!
當然係一呼百應啦!THANKS FACEBOOK!
於是去左范生至愛HOTPOT!!
我上完堂都有JOIN!!
NICE BD NIGTH DINNER!!
一年又一年時間真係快!!有時諗唔知我仲可以同你過多幾多個16年既生日呢??
當然我希望係無限個!!
又好耐冇寫blog啦!因為最近無論公事定私事都好忙!!
工作好多野做, 功課&project又一樣多真係令人冇得休息!!
不過10月我買左個天山雪蓮果, 煲左竹蔗矛根水!!
味道好清好潤, 秋天的良品!!
Fan先生都好欣賞, 都算做左d fanc9的責任!!哈哈!!
街市阿姐話天山雪蓮果可以生食, 我食左小小, 味道似雪梨, 真係好清甜!!
神秘雪蓮花
雪蓮花,又名雪芝、雪裏花、雪荷花,民間認為產於天山峰頂的雪蓮花品質最好,所以多強調「天山雪蓮」。國內中草藥專家、中國醫藥學院邱年永教授表示,雪蓮花生長於新疆、西藏等地區高山終年積雪的地方,五年開一次花,七~八月為花期。清代《本草綱目拾遺》記載,雪蓮花產於伊犁西北及金川等大寒之地。雪蓮花雌雄同生,或同地近處群生,古人記載:「雪蓮生西藏,藏中積雪不消,暮春初夏生於雪中,狀如雞冠,花葉逼肖荷花......雌雄相並而生,雌者花圓,雄者花尖,色深紅。」古人觀察發現雪蓮花的形態、大小各異,認為是因為產地不同,根據現代植物分類,雪蓮花為菊科鳳毛菊屬植物,種類很多,中國大陸就有五十多種。
邱年永表示,做為藥物使用的雪蓮花,約有下列五種:大苞雪蓮花(具毒性)、綿頭雪蓮花、水母雪蓮花、毛頭雪蓮花、西藏雪蓮花。中醫認為,雪蓮花性味甘、苦、溫,入肝、脾、腎經。根據古籍記載,雪蓮花的功效包括:「浸酒則色微紅,為助陽要藥。」、「能補陰益陽,老人陽絕者,浸酒服,能令八十者皆有子,治一切寒症。」、「性大熱,能除冷疾,助陽道。」雪蓮在新疆民間習用已久。維吾爾族居民用全草治療風濕性關節炎、風濕痹痛、小腹冷痛、月經不調、赤白帶等,水煎服;蒙古族居民用其地上部分,治療肺寒咳嗽、腰腿痛、筋骨損傷、婦女宮寒痛經等,研粗粉,以酒飲服;哈薩克族居民用於治療雪盲、牙痛、麻疹不透、外傷出血、腎虛陽痿、婦女產後胎衣不下等,水煎口服。
中醫觀點認為,雪蓮花生長在極冷之地,陰極陽生,所以能治療一切寒症,不過陰虛火旺者及孕婦忌服,動物實驗發現,以水母雪蓮水煎劑及雪蓮多糖腹腔注射,對小鼠各期妊娠和兔子的早期妊娠均有明顯的終止妊娠的作用,能使早期胚胎變形退化,子宮內膜脫離排出;中、晚期妊娠,一般于給藥後五~六小時即可見胚胎完整地排出。以上禁忌,民眾不宜因新奇而誤用。
消失中的雪蓮
近十年來由於雪線上升,雪蓮花的生長環境惡化,目前在海拔三千公尺雪線以下很難看見雪蓮蹤跡,此外,嚴重濫採更加速雪蓮的消失。根據大陸官方報導,光新疆烏魯木齊巿,每年雪蓮花巿場交易達五百萬株,有一百多個大小廠家收購和加工雪蓮,資料顯示,一九八八年新疆雪蓮資源總量約二八三○萬株,目前採集量僅三百萬株。
目前雪蓮被大陸官方列為國家二級瀕危植物,目前已採取限制盜挖措施,並格執行雪蓮產品的專營許可證制度,未經批准,任何單位和個人不能從事雪蓮的收購、加工及銷售。今年新疆只允許採雙七十多萬株雪蓮,採集量比往年減少三分之一。
專家預言,如果不加強保護,三十年內,雪蓮將會消失。
台灣也種得出「天山雪蓮」?
答案勉強算對了一半。正確來說,國內所產的應是天山雪蓮「薯」,形狀酷似地瓜,味道卻像水梨一般甜脆,主要產區在新竹縣尖石鄉的原住民部落,中部的仁愛鄉、信義鄉原住民地區也有零星種植,每公斤價格約五、六十元。
它其實是一種菊科多年生草本植物,學名Smallanthus sonchifolius,英文名稱為Yacon,原產於中南美洲高地,一般直接當成水果食用,也可以切丁煮排骨湯。目前還沒有適當的中文名稱,巿場上以「天山雪蓮」或「地下水果」之名吸引消費者注意。
日本自一九八五年引進栽培,據日本茨城大學研究分析,Yacon含豐富水分,不含澱粉,蛋白質及脂肪極少,熱量低,同時富含果寡糖,被認為具有改善腸道菌叢生態、消除便秘等健康作用。除塊根外,也有人將葉子曬乾泡茶喝。
其實阿婆佢真係兒孫滿堂, 曾孫都有3個啦!
阿婆身體一向好健康, 前兩年仲可以開榴槤!!
真係利害過我!
不過今年中時突然中瘋, 有一邊身不能動!
但佢好利害, 3個月時間利用中藥, 針炙等, 再加上佢自己成日練習, 依加都可以行到, 雖然行得唔係好穩!
不過上個月就嚇餐死, 話說醫生照到佢個頭有個瘤, 醫生話9成係惡性!!!
之後去左私家照磁力共震, 後比report政府醫生睇, 原來係上次中瘋既腦出血咋!
佢會慢慢自己清既!so就唔駛太擔心!
祝阿婆生日快樂, 健健康康!!
返左學之後真係忙左好多!
我星期二及四晚返學, mr fan就星期三晚開會, so一星期最多煮2餐假!
Or更小, 因為有時又出街食, or約左朋友!
所以我地就黎變成無飯夫妻啦!!
哈哈!
昨晚用左星期一晚煮多的冷飯, 整左個黃金炒飯, 加碟油菜!
一個人簡單的晚餐!
上星期日去飲茶試到襯家(Mr. fan阿嫂個媽咪)的朋友整的紫薑!!
我平時好鐘意食酸野!so紫薑都係其中一樣我鐘意食既野!!
於是飲完茶就即刻坐言起行去買紫薑, 即日試整!
其實雖然買左紫薑, but我係未知點整!
於是即刻上網搵資料!
我通常都唔係跟足人地點整!
不過原來好易整咋!!
將紫薑切片, 用鹽醃1hr, 等佢出水!
之後用水沖走的鹽, last一次水用煲過既凍水沖, 沖完水一定要盡量整乾d水!
將醋加冰糖, 將冰糖煮溶, 待涼加入紫薑中, 要浸過紫薑, 放入雪櫃一日即可!
要入味d, 可浸得耐d, 越耐越入味!
至於醋同冰糖的份量我是隨意的, 按自己口味啦!!
大家得閒試下整啦!