待開的小白合花

星期六日就想買d花插下!

係上水其實選擇不多, 不過咁啱比我見到有兩束小白合, 個阿姐話係佢自己種架!!

而且都係賣$10束, 都唔貴!於是就將佢帶晒返屋但啦!!

 

 

小白合係我比較喜歡的花, 高貴脫俗!!現靜待其開花!

海鮮

放工後去街市好多時都買唔到d咩, 因為佢地都開始收鋪, 好多時都唔一定會買到我想煮既野!

So都係見到咩就買咩!

 

上星期五晚, 其實冇idea要買咩餸, 點知去到我平時買開海鮮既魚檔, 竟然有靚花蛤, 仲有墨魚, 佢仲幫我切埋墨魚, 想唔買都唔得啦!!

其實都冇準備d咩去煮花蛤, 本來好想試下整白酒煮花蛤, 可惜屋企冇煮餸白酒, so唯有下次先試啦!

不過今次就整畺蔥豆豉花蛤, 好惹味!!

 

而墨魚就炒之前買既甜豆!!都唔錯!!

 

夢中的婚禮-奶奶&媽咪衫

其實奶奶同媽咪對衫既要求都好高!!

而且要做到唔好撞色撞款都好難架!!

 

首先講我奶奶先啦!

上次我大伯結婚時, 佢地係藏愛幫我奶奶租衫, 諗住租一件佢地結婚著, 一件我地結婚著, 比埋錢決定埋邊件!

但最後奶奶覺得暮唔起(即唔合身), 轉左第二間!

 

於是我地結婚當然係要用返依間!講真我奶奶選親個d其實都唔係奶奶衫, 全部都係新娘晚裝, 不過佢比較後生, 都著得好好睇!不過有一個問題係奶奶始終有返咁上下年紀, 個size係要著大碼, so選衫時都有好多limitation. 好在今次都選到兩件高貴大方, 佢又著到既衫!!

 

紫色依件其實著得佢瘦d, 好多人都讚佢好後生, 我諗佢都好開心!

 

 

白色閃既旗袍, 其實好蝦人著又有個大露背, 好在都有一層薄紗, 冇咁覺眼!!

其實我自己真係覺得件白色閃既旗袍好靚, 比較特別!

而奶奶著出黎都真係雍容華貴!!可惜影唔到條裙既detail!

 

 

 

 

 可以睇到奶奶白色旗袍全身同埋我媽咪既粉紅色旗袍!!

 

到我媽咪啦!

 

其實我同佢去深圳做衫時, 佢都做左好幾件旗袍, 好在最後有兩件都見得下人!!

其實當時都有d膽心, 奶奶d衫租得咁”恆”, 冇理由阿媽淨係著係深圳做既衫!!

 

於是膽粗粗叫阿媽去埋藏愛睇下有冇啱(因為我媽咪係超級慳家, 比佢知幾千租一件衫, 佢一定唔租囉!!)

 

點知去到佢都覺得d衫好靚, 其實一早睇中件粉紅色, 不過當然試得唔好晒!試埋其他啦!哈哈!最後係租左件粉紅色晚裝!媽咪都著得好好睇!真係好高貴, 我都好滿意!

當然佢都有問我要幾錢租, 我話唔好問啦!最緊要都係你鐘意啫!!同埋著得你靚就得啦!!之後佢冇再講啦!可能佢都知大約幾錢, 不過可能佢都好鐘意, so冇再講咩啦!!

另外係深圳做個件粉紅色旗袍, 其實真係唔差, 一d都唔似係深圳做!同埋我媽咪真係好受得粉紅色!!個個都讚佢身材keep得好!真係開心!

 

 

依件係紫紅色送客旗袍!

 

總結租奶奶媽咪衫都唔係容易, 好在結果都好滿意大家都好開心!!

哈哈, 唯一唔開心就係銀包!!之前都提過啦!奶奶媽咪係藏愛租個d其實係新娘晚裝, so total租左3件, 其中唔記得一件定二件係要up grade, so都要成萬幾蚊!!

不過都冇所謂啦!最緊要大家都開心就得啦!!嘻嘻!

夢中的婚禮—選衫III

去到依個status都係得兩件衫ok!!

So個人都幾心急!!

係婚期前2-3個月左右, 真係冇咩心機再去選啦!!

已經將自己既要求一再降低!

最後去左春天租衫!!

個到d衫比較清d, 都幾啱我既!!

租左1件婚紗2件晚裝要成萬幾!!

鬼咩!我選個d多數都要upgrade, 不過真係好新囉!!婚紗同其中一件晚裝都差不多係全新!!

 

 

而且服務真係好好!!

我final fitting時, 個sale既要求比我仲高,    真係要我著到勁fit先唔使師傅改!!

或者真係一分錢一分貨啦!!

夢中的婚禮—選衫II

之前就講左租婚紗, 咁晚裝點呢!!

我睇過好多間, 但都冇咩好啱我心水!!

In between 我都有買好多婚紗雜誌睇!

我睇中雜誌其中一件紅色旗袍, 敬酒時著!!

於是我帶埋圖去深圳羅湖商業城, 搵師傅做!!

奈何依個係個慘痛的經歷!!

大陸的質素確實同hk有段距離!

佢地比較馬虎!!好多時都做唔到我既要求!!

我差不多每星期都去追佢既進度!!

係hk買埋swarovsik 水晶教埋佢點釘!!

要control住佢地既progress真係好難!!

係佢地到做左3-4件衫, 最後都係得依件紅色旗袍同我媽咪件旗袍著得下咋!!

 

我件旗袍仲好貴添, 連工包料+水晶都成千三左右!仲未計d交通費呀!!

夢中的婚禮—選衫I

係結婚前一年左右已開始留意婚紗及晚裝!!

係婚期前一年我已睇中左珍琳蘇一件婚紗, 同朋友去睇左一兩次!!

又同媽咪去睇多次!!大家都覺得件婚紗好靚, 不過我當時覺得好貴, 因為單租一件都$3000!! 不過件婚紗真係好新好靚, 所以都租左!!

就係依條仙子裙啦!!

之後經過一年時間, 我D朋友覺得, 珍琳蘇有D信唔過!!唔知會唔會執埋!!

好在都冇執, 但係我想租個件婚紗, 已經比人著到好殘, 裙尾圍邊又變左黑色!!

真係選唔落手!!好在一年前其實我都有睇中另一條!!依條都OK, 而且冇咁殘!!

(見唔見到我細妹同同事係到幫我試裙, d相仲要係偷偷地影架!!)

係教堂同會所影出黎既相都好靚!!

可以比大家既忠告係, 其實租衫可以唔使咁急!!婚期前半年先租都得!!因為到最後1-2個月你都係有可能轉款!!

蝦碌的送機記

 

上海同事N要返回上海工作, 我同tart & 幾位同事都有去送機!!

我地先去潮樓飲茶食lunch!

之後去到離境大堂拍照!N同事並依依不捨, 逐一跟我們道別!

正當大家心情都比較沉重時, 我們看到N同事被保安人員叫停!

唉!原來她的手提行理太多, 要寄倉不能帶上機!

於是我們很狼狽地幫她重新整理!把不是急用的東西取出!

差點連行理箱都拉唔埋!!

最後好在都拉到!

於是N同事就急忙地上機啦!!

星期日的午餐

之前去食韓燒, 食唔晒既海鮮薄餅!!

 

剛好做了我的午餐!!

 

再加一柸鐵觀音, 真的是絕配的一餐!

 

家鄉小吃 ~ 燕皮雲吞

 

我的家鄉菜中Mr. Fan 最欣賞燕皮雲吞!

燕皮其實是用豬肉打成的!!個涵係豬肉馬蹄+蔥!!

 

 

 

這一碗當然是林太的傑作啦!並非出自FanC9之手啦!!

機場半日遊

星期四下午得到DHL邀請, 公司一班同事去左參觀DHL Express Hub.

先唔講佢有幾先進, 有幾快可以分到件!!

我地去到佢地既觀景台, 真係好正, 可以近距離睇到南跑道的飛機起飛!!

 

 

參觀完後, 我同兩位同事就去左T2食韓國野!!

燒豬肉, 蝦&魷魚都值得推介!!

 

 

 

 

八月居farewell dinner

 

有上海同事來港工作, 現要回上海, 公司一班經理請依位同事食飯, 有幸我也被邀請作陪食客!!

有特色的廣東菜味道真不錯!!

 

 

每碟都係好精緻, 不過都比較細碟!!

公司真係越來越多人走, 轉工的轉工,回原居地工作的回原居地!!

確實令人有提不起勁的感覺!

 

 

Manager 都係玩得好癲!!真係一個好開心的晚上!