又再開爐-蘋果批

依個蘋果批原來好易整!!

只要將蘋果蓉煮放係”SO”皮面再焗下就得啦!!

蘋果批+蜂蜜洋甘菊茶絕配!!!

HAPPY TEA TIME WITH SISTERS

益力多蘋果沙冰

 

屋企有齊依D材料!

於是無聊地同阿妹一齊試整!!

無添加劑, 健康好飲!!

大家其實都可以一試!!

新屋的新屋

搬左新屋後, 忍唔住買左間新屋比佢地!

因為新屋向西北, gil & chu都好怕凍, 為免冬天佢地會變雪條,

所以係新屋到買左間新屋比佢地!

間狗狗新屋係係新屋入伙後沒多久就收到!

不過一直都未砌, 早排”的”起心肝砌好佢!!

於是捉左阿gil去試新屋!!

開頭gil gil好驚!!

之後再將chu chu & 細細放埋入去!

估唔到屋仔細細, 居然入到佢地3隻!!

開門放佢地出黎時, chu & 細即刻走出黎!

不過又估佢唔到, 阿gil繼續留係入面唔出黎!!

阿gil果然好鐘意間屋!!對間屋好滿意!


CHU CHU質問我點解關住佢!!!

阿細一出黎又即刻玩波, 真係波不離口!!

其實砌好左間屋都未用住, 都係放係雜物房等冬天先用!!

阿gil好依依不捨地走出黎!

成功從領口向下織

 

雖然好忙! 不過都有繼續我的興趣織野!

其實今年都出產左唔少野!希望之後有時間續一介紹一下啦!!

先講講依從領口向下織的衫仔先!

以往織既衫全部由底向上織, 織完前幅織後幅, 之後再將佢地連埋一齊!

不過成日聽奶奶講由上向下織會快d!而且唔唔駛有接駁位!!

但係佢又太多年前織, 唔記得點織!!

有次行商務, 竟然比我搵到本書係教由上向下織!!

於是跟住織就完成以下作品!!

Yeah!!好有成功感!!

再去碼頭

話說9月時天氣真係好好!

於是我地一行3人, 阿細細妹, 范生及我又帶佢地三隻向碼頭進發!!

我地去到碼頭附近的公園坐下休息下!!

其實出一身汗真係好爽!!

有時諗諗下作為城市人生活真係太繁忙!

根本沒有時間停下來休息一下!!

而狗狗其實好易滿足, 都只係想我地陪佢地多d!!

有時我都覺得好慚愧!!!

 

開爐啦!!

好想買個焗爐好耐, 不過以前個廚房的間隔實在容不下個焗爐!

搬左屋, 坦白講個廚房沒有比以前大, 左度右度, 終於係不用改間隔的大前題下放得落焗爐!!yeah!!!

咁當然係即刻去買爐啦!!

開爐啦!!

第一樣整既就係焗蜜糖雞翼/芥末子雞翼!!

不過原來真係幾”side”電, 焗成個幾鐘先做到依個燶燶地既效果!!!

之後唔知幾時先開到爐啦!!因為今個學期好忙讀3科!

已經做左無飯夫婦好耐啦!!嘩哈哈!!