新年雖然已經放左一個星期假!但係都係好勀!!
早出晚歸去拜年, 返自己屋企&去奶奶到食飯!!
想係屋企好好休息都唔得!!
加上gil & chu係年廿九又做左絕育手術, 真係想多d睇住佢地三隻野都冇咩時間!!
好在佢地個傷口都埋得幾靚!!初八都拆左線啦!!
人地話做左絕育手術會乖d, 但係chu chu都係咁上下, 有時會係屋企開大!!咬石屎牆…………….真係會比佢激死!!
而細佬5個月大啦!都係未識係露台去小便, 而且佢飲好多水, 放工返到去第一時間就執屎同抹地!!而已天氣潮濕, 真係好難搞!
真係想佢快d打完第3支針, 跟住可以帶佢落街, 教佢係街去尿尿!!
聖誕時係LANEIGE買左一set護膚品, 於是便成為會員!
早一個月左右, 佢地打比我話會員每月可以book免費修眉一次!
開頭我都冇理到!因為我平時做facial都有修眉根本唔須要去佢到修, 我又怕去佢到修會狂sale野!
但係係過年前我實在抽唔到時間去荃灣做facial, 後來諗下冇facial做修下眉整齊d都好呀!
於是膽粗粗book左lunch time去修眉!!
估唔到佢既服務真係好好!條眉都修得好靚, 一d都唔馬虎!!
而且一句都冇sale過我買野!仲叫我下次再黎修過!!
今時今日咁既服務態度真係值得讚!!
在一次機緣巧合下在中二中三時跟一位小提琴老師學小提琴!
學了年幾兩年, 拉出的樂章還是會走音, 因為小提琴實在不是容易把握!
媽咪覺得一個月300幾的學費還是貴, 而且又不是拉得太好!於是冇比我再學!
我自己心裡始終因未能學會小提琴而感到遺憾!!我並不是想考幾多級做小提琴家!!
其實我的夢想只是想能夠拉出”梁祝”這樂章!
小提琴版的梁祝真係好感人!!
事隔n多年啦!自己亦由不會賺錢的學生, 到出社會謀事!總算都收入穩定!
初出來工作時已想再學小提琴一圓夢想!
奈何自己一直都好懶!!沒有實際行動!
最近真係”的”起心肝去學!!不過係學鋼琴!!
哈哈!點解會由小提琴變左鋼琴既!?
唉我真係好驚自己拉極都走音, 到時會冇心機再學!
所以退而求其次學左鋼琴先, 打左個底先!!因為都n年冇掂d樂理, 真係唔識睇普!
我係上水2月開始學, $280 4堂30mins!
之前上左第一堂個Miss仲細過我好多!but唔理啦!我都係想學野啫!
我記得第一次去琴行問時, 職員話你個女幾歲?
我即刻笑住答係我學
!!哈哈哈!
冇計啦!真係好少人我依個年幾仲去學琴!!手指都硬晒啦!不過唔緊要啦!我既要求都唔係好高, 唔係一定要考幾多級!!只係想可以隨心琴到d歌!!basic就得啦!!
初學階段當然唔會即刻去買個琴啦!而且屋企地方淺窄, 根本放唔落個琴!!
我係諗住如果星期六日去奶奶到時, 就可以借佢地個琴練吓, 因為我姑仔自細都有學琴, 所以就有部琴係到!不過近年佢都好少用, 咁我就緊係用得唔好晒!!
不過都有d唔方便, 因為個琴放係個廳到, 我都唔敢用太耐因為怕左住or嘈住大家睇電視!不過冇諗到奶奶都好讚同我去學琴, 佢話佢自己好鐘意d琴聲, 等佢退左休都會學下先!!哈哈哈!
咁如果我星期一至五想練都可以去club house租琴房練!!
希望今次可以做到少少成績出來啦!!嘩!哈哈!!
阿媽係8/2先話比我知想11/2出街食團年飯!
我打左去荃灣鴻星, 稻香&翠園, but都係book唔到!人地已經full晒!
最後試下青衣城稻香竟然仲有位!好在咋!!如果唔係都唔知食咩好!!
哈哈!新相機又可以開斎同真人影下相wahahaaaaaaa!!!
媽咪整左年糕&蘿白糕!當然攞比奶奶啦!唔好晒!!
放係我到棧放到壞都未食晒!!
不過青衣城稻香d野食真係好差!
我地本來好鐘意食魚, 我地都幾食得鯹, 不過條魚真係好鬼鯹,
我地都食剩3分1………平時我地係會將條魚清晒得返d骨!
跟住個翅就仲差過d碗仔翅………..乳豬有一半都唔脆!!
其它餸都好麻麻!食左千幾蚊都覺得冇野好食!真係唔抵!
So如果下一次食小菜一定唔返依間!!
