每年到依個時間一定會買既薑花!!
真係好清香!!
近排因為我家主人超忙一星期最多都係返黎食一次半次, 所以我都少左煮啦!
(我就可以偷懶啦!!)
今次依個手撕口水雞, 想整好耐, 終於係炎炎夏日出到爐啦!
其實個汁都係根據我地既口味而更改架!未必係跟足口水雞既做法!
點改都好啦!最緊要我地覺得好食!!YEAH!!
之前同阿妹行花墟, 買左D種子, 胡椒薄荷唔知係唔係真係有胡椒咁奇怪呢?
於是是但種下, 過左2星期都冇野出, 仲諗住一定唔得啦!
點知到第3星期就有廿幾棵野長出!
仲越長越大, 依加都種左幾個月, 不過又未到可以食咁大塊葉…..
究竟佢會唔會再大呢?
依個假期看似冇咩節目, 但又過得好充實!
除左同三寶沖涼, 清潔屋企, 去阿媽&奶奶屋企食飯, 仲有睇戲!
以前拍拖時冇咩節目, 一個月都睇一兩次戲!
結左婚當然小左好多啦!
上次有3000分飛行里數就快過期於是拿拿淋換戲飛啦!
睇變形金鋼, 3D仲要每張再加$30!成100一張飛, 其實都幾高消費!
其實MR FAN同我都覺得變形金鋼第一集真係幾好睇!
不過睇到第三集……真係變到冇野好變!
冇咩特別, 可能依D題材唔可以拍咁多…...已經冇左新鮮感!