忙到飛起的星期六(下)

上回講到去完香工血拼!

 

攞住d戰利品又要去車公廟, 因為年頭拜左神, 年尾就緊係要還啦!! 而且個日又係好日還神, 之後我又冇咩時間! So攞住d野都照去!!

 

還完神後, 係廟門口又有公公婆婆派財神, 接左一個又一個!!算啦!當做善事啦!

 

之後又趕返去大北方, 首先返屋企放低d戰利品, 跟住就同FAN先行去隔離屋苑探fan先同學的初生BB同食飯!!

 

依個朱BB真係好得意!

仲有去到朱BB屋企見佢地掛左BB係肚入面既相, 真係好特別!

另外我以前成日覺得大肚影相唔好睇!不過朱媽媽影既大肚照, 真係好有美感!

令我改觀!!

 

我地同朱BB一家真係幾有緣架!

朱媽媽係FAN先的中學同學, 朱爸爸係FAN先另一位中學同學的同事!

朱媽媽&朱爸爸係間接由FAN先介紹而識架!

 

 

係到祝朱BB一家兔年身體健康, 生活快樂!!

 

就係咁就過左個超忙的星期六!差不多去均港九新界!!

星期日當然係要休息&休息啦!

忙到飛起的星期六(上)

1月22日個日真係好忙!

 

早上先由大北方去左上環買蔘比嫲嫲.

 

之後就落灣仔同舊老細&同事食懷舊順德菜!

又係舊老細既推介, lunch真係平靚正!!

 

 

特別個釀鯪魚飛同鵝掌真係好好味呀!!值得推介!!

一班同事相聚真係有講唔完的話題!

嘻嘻哈哈好快又食左個愉快的lunch!!

 

之後同其中兩位同事殺入荔枝角, 去香工!!

哇!!!d人多到呢!!

其實我一多人就冇咩心機選野!

不過都左唔到我既敗家能力, 都買左好幾件平野!!

 

FAN 的紅包!!

上年係TAOBAO訂左D得意利是封!!

大受好評!!

 

今年當然唔馬虎得啦!

想再係TAOBAO訂, BUT搵唔到靚!!

最後係旺角買左以下既, 金燦燦既姓氏紅包!!

 

 

挑戰豬肚!

 成日覺得洗豬肚係一件恐怖事, so一直未有挑戰!

 

因為近來都幾凍, 又好想飲d野暖胃!

於是想起酸菜糊椒豬肚湯, 不過依個湯我通常都係出街飲!

於是今次當然要試下挑戰佢啦!

 

因為我買急凍豬肚, so都幾易洗, 不過都搞左30min我先覺得佢乾淨!!

煲出黎既湯, 我都幾滿意, 不過唔夠辣, 下次要落多d 糊椒先得!!

 

一味靠”痴”

唔好以為gil gil未吹頭!查實佢洗完又吹完!

不過唔理老豆幫細佬吹緊, gil gil都一味靠痴!!

你睇佢痴得幾淘醉!!!

Gil gil: 老豆比我係到啦!我唔會左住你架!!

Gil gil: 依到咁暖我邊到捨得走啫!

 

誰可照顧牠們??

之前我地兩個去旅行, 就會叫我細妹黎我到住, 幫我睇住佢地三隻野!

開頭都有d唔放心, 叫佢落街都係帶1-2隻好啦!

點知佢一拖3都冇問題!

 

而且當我返黎時, 佢地三隻野都仲係肥肥白白!

So都好放心!

 

不過最近一星期plan左過年回鄉探親, 我阿妹都一齊返!

 

死火啦! 誰可照顧牠們??

 

Fan先唔想送佢地住狗酒店, 因為要打針, 同埋唔想佢地去陌生環境!

其實都可以叫奶奶黎睇佢地!but又有d唔好意思, 因為始終要執c執尿!

 

正當唔知點算好時, 返工時突然想起隔離屋劉太都養左隻狗, 佢去旅行都係叫鐘點上黎睇狗狗!而且佢個鐘點住得好近日日上黎1至2小時係冇問題!不過我唔知劉太電話! 唯有上 網搵下, 係facebook呼籲下!

 

個日一放工返到屋企即刻去劉太到問佢鐘點d野!

原來佢過年都去旅行, 已經叫左鐘點黎睇狗!so個鐘點應該得閒同我都睇埋!!

我攞左電話後即call鐘點姐姐!

佢當然冇問題啦!!

希望佢會同d狗狗夾啦!

除左今次睇狗外, 當然都會叫佢做清潔!

以前fan生返5日工, 我地都會每星期大洗一次, but佢依架隔星期要返星期六!

都做唔到咁多! So趁依次機會就請姐姐做啦!

同埋之前我係好怕教人做我屋企d野! So一直都冇揾!

其實我都係辛苦命應該都係駛唔慣工人!!!

 

到依架我都唔知叫姐姐做d咩好????

除左清潔廁所, 洗抽氣扇, 廚房簡單清潔, 洗地外仲有咩可以做???

請各位有經驗人士告知!!

Thanks!!!!!!

羊知味!

其實平時就好少食羊, 不過一到冬天打邊爐狂熱者fan生就會叫羊腩煲黎打邊爐!!

我亦唔抗拒食羊!

 

記得食過最好食既羊係去雲南旅行時, 係d到地小店食羊肉火鍋!!真係好食到呢!!!x1000000000000000000000000000000000000000000!!!

 

上星期日叫奶奶幫我買d羊(因為佢同肉檔老闆熟, 可以買到d靚位), 本打算自己整!!

不過奶奶炆埋!

咁我可以慳d功夫, only攞返去加配菜就ok啦!!實行過一個暖垃垃的冬天!

 

Blueberry Cheese Cake for 99 Birthday

新既一年工作又開始繁忙啦!

仲有掛住update 面書, 連卜都冇咩點update!!

上一星期返左東涌同阿妹整blueberry cheese cake, 都好成功!!

我諗都幾難唔成功!!因為依個cheese cake 應該係蛋糕入門level 1!

 

咁啱星期六又見奶奶慶生晨!!於是當然係借花敬佛啦!

我奶奶好鐘意食蛋糕, 朱古力……so啱晒佢!!

 

二號背心

舊年一口氣織左兩作背心比FAN生!

第一件第一次織, 織得細左少少(其實可能係FAN生肥左哈哈!).

不過佢都有著左一輪!

 

依件第二件就GOOD FIT, 佢舊年冬天成日著架!

不過係舊年, 今年佢自己買左件新野, 佢就成日著新野啦!!

不過都唔可以怪晒佢既!

件二號我攞左去乾洗…..之後一路都冇拆出黎比佢著!

唔知係唔係個個男人都係淨係著櫃面個幾件衫既呢!!佢係唔會攞下面D衫囉!!

 

 

斷糧

我家三隻寶貝一直食開FIRST CHOICE雞肉味 15KG,

點知上幾星期店員話依隻已經改左配方,

仲連包裝都改埋, 冇15KG, 最大包都係6KG,

當然係加左價貴D啦!!

而且仲要係冇貨要訂!!!OK啦!都照訂, 點知等左幾星期都冇貨!!

 

咁店員又叫我地試PRO NATURAL 雞肉味, 都照殺啦!不過想再買大包時, 店員又話冇貨, 之後又轉左PRO NATURAL 另外一隻大粒d既!

 

其實我都唔想佢地D糧轉黎轉去, 不過好在D狗狗暫時都冇咩不良反應!!

 

各位唔知你地食開咩糧(最好有15KG裝啦)?係邊到買呀?