終於把你帶回家!

大家可能都知我好鐘意白蘭花!!

因為佢真係好香!!

因為露台細so一直都冇諗過種返棵!

 

不過有係係園藝鋪見到白蘭花樹仔, size又ok woo!唔係好大!

而且只係$25就可以帶佢返屋企, 於是就決定買左佢啦!

不過其實佢都要過到我家3寶個關先得囉!!

放左係露台幾日, 下面d樹葉, 比佢地咬得7788…..

 

可能貪新鮮啦!過兩日之後就冇咬啦!

 

咁我就幫佢換個靚盆, 正式加入FAN FAMILY 啦!!哈哈!!

希望你明年可以生多D花花啦!!

排排瞓梳化

上星期日我為3寶沖完涼後, 正當我做緊阿四, 進行全屋weekly大清潔時發現…….

 

佢三隻野排排瞓梳化, 仲要瞓得好鬼爽!!

我行黎行去佢地都冇理我!!哈哈!

 

真係情原-----做隻猫做隻狗….

 

夏天黎左佢地就少左瞓埋一齊取暖, 依日居然一齊瞓緊要影底佢啦!

 

飛躍越南之旅2011 VI

第六日

黎到利程最後一日

我地去左一個叫頭頓既地方睇耶誕像!!

去完後媽咪既COMMENT係好彩有黎到!

因為坐8點船, 一早係酒店食早餐, 竟然有白粥食!

阿媽好似見到金咁狂食!!哈哈!

老人家都係食唔慣其他國家野!

之後坐的士去碼頭, 一路都落緊雨!

BUT去到頭頓又好好天!

媽咪話係天主保佑!!哈哈!

我見早上搭船既好多都係著西裝既外國人!

我睇佢地似係黎出差既多!

上船時見到兩個好笑野!

肥仔急不及待著救生衣!

鬼仔:阿媽你玩野咩, 做咩搵紙袋套住我個頭!

行上耶穌山要行千級樓梯!!

個耶穌像都幾特別可以入埋入面, 爬上耶穌肩膀上架!

而且入耶穌像內係唔可以太性感, 小背心請穿上外套!

我有懼高, SO行到上耶穌像肩膀時都腳震震!!

媽咪話怕咩WOO!!!

阿媽冇懼高係唔會明白我係幾咁驚架!!

睇完風景就即刻落返去啦!

不過個景真係唔錯!!

之後我地就去碼頭坐12:30船返胡志明啦!

行左個market!!

下午一早去到機場, 因為聽聞到4時後就會塞車塞得好勁!

去到機場冇野做, 又想用埋D越南盾, SO去左一間餐廳HEA!!

原來胡志明個夜景都好靚架!!

 

 

飛躍越南之旅2011 V

第五日

一早就係咁落雨!

好在我地既行程其實都係係酒店HEA咋!

到10點幾見冇落雨, 又天陰陰, 唔曬!

就連防曬都冇揸又冇攡攞傘就出去沙灘玩!

點知到夜晚就發覺個肩膀紅晒!

好在個面就冇事咋!

同陽光玩遊戲都係唔啱我!

下午又要涯5個鐘車返胡志明!

返到去又食越南野, 不過今次係高級越南野!

有人係到現場彈越南古典歌!

係我覺得最好食既一餐! 好多都係外國人黎食!

 

SO可以配合到外國人口味啦!

而且環境又靚好多!

飛躍越南之旅2011 IV

第四日

早上阿妹5點起身睇日出!

我就做懶瞓豬, 睇佢D相就得架啦!

成個早上都好RELAX行行企企食下早餐!

到中午我地先出去食LUNCH, 同埋又JOINT左LOCAL TOUR去魚村, 白沙丘&紅沙丘!

之後又行一陣間,影下花花草草!!

漁村冇咩野睇, ONLY影左依D LOCAL人用黎做船既兜, 真係成個膠兜! 影下相就得, 要出海就唔好搞我啦!

白沙丘就真係幾特別, 仲有個湖係隔離!!導遊話個湖有28米深!真係好深!

其實我企係個好高沙丘, 下面就係個湖, so都要行得好小心!!

又係時候飛躍白沙丘啦!

去到紅沙丘時開始落雨, 而且又比較細, SO影左2張相就去D士多到坐, 等開車!

返到MUI NE, 又冇落雨WOO!!

可以去搵下今晚食咩好!

我地搵左間好有風味既海邊大排檔食海鮮!

好味蒜蓉包!!

其實D海鮮都唔平, 可能佢地做慣鬼佬生意啦!

見人地叫左個打邊爐, 我地又叫!

BUT原來係要付出代價!

請想像係30幾度對住個炭爐…….

不過都係一個難忘的經驗!!